Ուսուցչուհուն ստիպել են ազատվել աշխատանքից` լողազգեստով նկարի համար

Ռուսաց լեզվի և գրականության ուսուցչուհի Տատյանա Կուվշիննիկովան, ով նաև հանդիսանում է ձմեռային լողի Ֆեդերացիայի անդամ, զրկվել է Բարնաուլում թիվ 13 դպրոցում աշխատանքից` փակ լողազգեստով նկարի պատճառով:

Այդ մասին հաղորդում է «Тайга-Инфо»-ն:

Պարբերականի տվյալներով` նկարի հրապարակումից հետո Կուվշիննիկովայի վրա սկսել է ճնշում գործադրել ուսումնական հաստատության տնօրինուհին` լուսանկարը գնահատելով որպես «դպրոցի համբավի վրա բիծ»:

Նա պահանջել է, որպեսզի ուսուցչուհին դիմում գրի՝ սեփական նախաձեռնությամբ ազատվելու մասին:

Չնայած ծնողների աջակցությանը` ուսուցչուհին ազատվել է աշխատանքից: Նկարն արվել էր «Պիոներսկայա» գետի մոտ` ակցիայի ժամանակ` ի սատարումն «Սպիտակ արջեր» Ունիվերսիադայի:

Նկարում պատկերված է Կուվշիննիկովան՝ փակ լողազգեստով, իսկ ձեռքին`գովասանագիրն է:

Փետրվարին Կուվշիննիկովային արդեն ուզում էին հեռացնել աշխատանքից սոցցանցում լողի մրցույթից տեղադրած նման նկարի համար:

Այնտեղ լողազգեստի վրայից ուսուցչուհին զգեստ էր հագել: Այն ժամանակ ծնողները բարեխոսել էին նրա համար և գործն ընթացք չէր ստացել:

Աղբյուր` Փաստինֆո

Понравилась статья? Поделиться с друзьями:
24 ժամ