Ուղևորը ինքնաթիռում խառնաշփոթ է ստեղծել և դուրս ցատկել դռնից

«Ամերիկյան ավիաուղիներ» ընկերության ինքնաթիռի` Ֆինիքս-Սքայ-Հարբորի միջազգային օդանավակայանում վայրէջք կատարելուց անմիջապես հետո ուղեւորը դուրս է ցատկել թռիչքուղու վրա: Այս մասին հայտնում է Fox News- ը:

Միջադեպը տեղի է ունեցել թիվ 1346 չվերթի ժամանակ, որը ուղևորվում էր Մինեապոլիսից (Մինեսոտա նահանգ) դեպի Ֆինիքս (Արիզոնա):

Ոստիկանության տվյալներով` 25-ամյա տղամարդը «տարօրինակ է պահել իրեն» թռիչքի ժամանակ: Մասնավորապես՝ նա դիպչել է մյուս ուղևորների դեմքերին, նրանց վրա անհայտ ծագման հեղուկ լցրել:

Ականատեսների խոսքով, տղամարդը նաև հայհոյել և հարվածել է մարդկանց:

Անձնակազմի անդամները կարգազանց ուղևորին տեղափոխել են ինքնաթիռի առաջամաս, որպեսզի նա առաջինը դուրս գա ինքնաթիռից:

«Երբ ինքնաթիռը վայրէջք կատարեց, ուղևորը բացեց ծառայողական դուռը և դուրս ցատկեց ինքնաթիռից», — տեղեկացրել է հեռուստաալիքը` վկայակոչելով ավիաընկերության տրամադրած տեղեկատվությունը:

Օդանավակայանի աշխատակիցները կանգնեցրել են տղամարդուն, ինչից հետո նրան ձերբակալել է ոստիկանությունը:

Այնուհետև նրան տեղափոխել են տարածքային հիվանդանոց՝ վնասվածքները բուժելու համար:

Նշվում է, որ միջադեպը չի ազդել օդանավակայանի աշխատանքի վրա: Մյուս ուղևորներից ոչ ոք չի տուժել:

Աղբյուր` Փաստինֆո

Понравилась статья? Поделиться с друзьями:
24 ժամ