Ժամանակ առ ժամանակ բոլորի մոտ լինում են քնելու հետ կապված խնդիրներ: Հաճախ նմանատիպ խնդիրները կապված են ոչ թե առողջական վիճակի, այլ արտաքին գործոնների հետ:Ահա ամենահաճախ հանդիպող խնդիրները, որոնք խանգարում են քնել:

Տագնապ.

Ապագայի վերաբերյալ անբարենպաստ կանխագուշակումներ անելը թույլ է տվել մարդկությանը ողջ մնալ: Բայց եթե մենք անհանգստանում ենք անկողնում պառկած ժամանակ, ապա ուղեղը չի հանգստանում, իսկ դա անհամատեղելի է առողջ քնի հետ:

Լույս.

Քնի համար պատասխանատու է մելատոնին կոչվող հորմոնը: Մելատոնինն արտադրվում է ուղեղում, երբ մութ է լինում: Եթե աչքերի վրա շատ լույս է ընկնում, ուղեղը «չի հավատում», որ արդեն գիշեր է, հրաժարվում է մելատոնին արտադրել, և քնելը դժվարանում է:

Աղմուկ.

Աղմուկի բարձր մակարդակի ներքո մի քանի տարի շարունակ քնող մարդկանց մոտ մեծ է անքնության հետ բախվելու վտանգը:

Շոգ.

Երբ մարդը քնում է, նրա մարմնի ջերմաստիճանը նվազում է, դա նորմալ ֆիզիոլոգիական պրոցես է: Եթե սենյակում ջերմաստիճանը 16-19°С-ից բարձր է, ավելի դժվար է քնելը:

Ալկոհոլային խմիչքներ.

Հետազոտությունները ցույց են տալիս, որ մեծ քանակությամբ ալկոհոլն ազդում է քնի վրա: Պատճառն այն է, որ գիշերվա երկրորդ կեսին օրգանիզմը հանգստանալու հնարավորություն չի ունենա, քանի որ պիտի չեզոքացնի ալկոհոլը:

Կոֆեին.

Քնի կարգավորման և հոգնածության զգացումի համար պատասխանատու է ադենոզինը: Կոֆեինն անջատում է ուղեղի ռեցեպտորները, որոնց հետ կապված է ադենոզինը: Դրա վրա է հիմնված սուրճի էֆեկտը: Եթե քնից 2-3 ժամ առաջ սուրճ խմեք, արագ քնել, հավանաբար, չի ստացվի:

Աղբյուր