3 բան, որ տղամարդը պիտի ընդունի ու սիրի ձեր մեջ՝ առանց դրանք փոխելու ցանկություն ունենալու։
Չենք վիճում, բոլոր հարաբերություններում պիտի լինեն երկկողմանի փոխզիջումներ, սակայն պետք չէ մոռանալ այն մասին, որ անկախ ամեն ինչից, դուք լիարժեք անհատ եք, ու չարժե լիովին փոխվել՝ այլ մարդու համար։ Մի դավաճանեք ինքներդ ձեզ։
- Ձեր անձնական նպատակները
Անշուշտ, դուք պիտի ունենաք ընդհանուր նպատակներ, դա չի քննարկվում։ Բայց մի մոռացեք նաև սեփական անձնային աճի մասին՝ երկրորդ մասնագիտություն, նոր հոբբի և այլն։
Անձնական նպատակներ ունենալը եսասիրություն չէ, վստահ եղեք, դա կօգնի ոչ միայն ձեզ, այլև ձեր հարաբերություններին։
- Ձեր բնավորությունը
Զարմանալի չէ, որ տղամարդիկ ևս փնտրում են բնավորության որոշակի գծեր ունեցող աղջիկների։ Դեպի լավը փոխվելը հիանալի է, սակայն փոփոխություններ պիտի տեղի ունենան սեփական ցանկությամբ, այլ ոչ թե զուգընկերոջ ճնշման ազդեցության ներքո։
Եթե ձեր կողքի տղամարդը պահանջում է ձեզանից լիովին փոխվել, գուցե նրա համար ավելի հեշտ լինի ուրիշին գտնելը․․․
- Ձեր ընկերները
Ընդհանուր ընկերներ ունենալը շատ լավ է, սակայն կարևոր է նաև չկորցնել այն մարդկանց, ում հետ վաղուց եք մտերիմ եղել։
Կարևոր է ունենալ այնպիսի մարդկանց, ում հետ կարող եք ժամանակ անցկացնել առանց զուգընկերոջ ուղեկցության։ Եթե նա ձեզ սիրում է, ապա դեմ չի լինի դրան։